The Big Fat Cat And The Mice: A Great Idea

Telugu Stories

ఎవరు పిల్లికి గంట కడతారు?

రామాపురంలో రామారావు అనే ఒక వర్తకుడు ఉండేవాడు. అతను ఒక కిరాణా దుకాణం నడిపేవాడు. ఆ ఊరిలో ఉన్న ఒకే ఒక్క కిరాణా దుకాణం అది. అందువలన ఊరందరు వచ్చి అక్కడే కిరాణా సరుకులు కొని పట్టుకెళ్ళేవారు. 

రామారావు దుకాణం ఎప్పుడూ సరుకులతో నిండుగా ఉండేది. అందరికీ సరుకులకి అతని దుకాణమే కావటంతో ఆటను సరుకులు పెద్ద ఎత్తున నిలువ ఉంచేవాడు. 

అందువలన, అతని దుకాణంలో ఎలుకల సమస్య ఎక్కువగా ఉండేది. 

ఒక వేసవి కాలంలో ఆ సమస్య మరింత తీవ్రంగా మారింది.  

రామారావు దుకాణంలో ఆ ఎలుకలు రుచికరమైన గోధుమలు, బియ్యం, పప్పులు, గింజలు, బ్రెడ్ మరియు వెన్న, బిస్కెట్లు తిని ఆనందంగా ఉన్నాయి. 

బాగా తిని తినీ రోజురోజుకూ లావుగా తయారయ్యాయి. 

ఆ వేసవి కిరాణా వ్యాపారి ఎలుకల బెడద కారణంగా కొంత నష్టాన్ని పొందాడు. 

ఇక లాభం లేదనుకుని ఎలుకలని ఎలా వదిలించుకోవాలని ఆలోచించాడు. 

మరుసటి రోజు, అతను తన దుకాణానికి ఒక పెద్ద గండు పిల్లిని దుకాణానికి తీసుకువచ్చాడు.

ఆ గండు పిల్లి ఎంతో చాకచక్యంగా దుకాణంలో ఉన్న ఎలుకల్ని పట్టుకుని తినటం మొదలుపెట్టింది. 

ఇలా రోజులు గడిచిన కొద్దీ ఎలుకలు గణనీయంగా తగ్గిపోయాయి. 

దీనితో ఎలుకలు ఆందోళన చెందాయి. 

ఈ సమస్యపై చర్చించేందుకు వారు సమావేశం ఏర్పాటు చేసుకున్నాయి. 

"ఈ క్రూరమైన గండు పిల్లిని వదిలించుకుందాం" అని ఎలుకల నాయకుడు చెప్పాడు.

"కానీ ఎలా?" 

ఇతర ఎలుకలు అడిగాయి.

అన్ని ఎలుకలూ తీవ్రంగా ఆలోచించడం మొదలుపెట్టాయి.  

అప్పుడు ఒక ఎలుక ఇలా చెప్పింది, "మనము గండు పిల్లి మెడకు గంటను కట్టాలి. అప్పుడు అది మన దగ్గరకి వచ్చినప్పుడల్లా, గంట మోగుతుంది దానితో మనము వెంటనే మన బిలాలలోకి పరుగెత్తుతదాము."  అన్నది. 

ఇది విన్న ఎలుకలన్నీ చాలా సంతోషించాయి. 

వారు ఆనందంతో నృత్యం చేయడం ప్రారంభించారు. 

కానీ వారి ఆనందం స్వల్పకాలికం. 

ఒక ముసలి మరియు అనుభవమున్న ఎలుక వారి ఉల్లాసానికి అంతరాయం కలిగించి, "మూర్ఖులారా, ఆగండి, ముందు నాకు ఈ విషయం  చెప్పండి, పిల్లికి ఎవరు గంట కడతారు?"

ఈ పెద్ద ప్రశ్నకు ఏ ఎలుక దగ్గర సమాధానం లేదు. దానితో అన్ని ఎలుకలూ నిరాశపడి ఆ దుకాణాన్ని వదిలి వెళ్లిపోయాయి. 

ఆ గండు పిల్లి పుణ్యమా అని రామారావు ఆనందంగా తన దుకాణాన్ని నడుపుకున్నాడు. 

అందుకే అన్నారు పెద్దలు "వివేకంతో ఆలోచించాలి." అని. 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

Patience Or Greedy: The Story of a Black Cat

Telugu Stories

ఆలస్యం, అమృతం, విషం

ఒక ఊరిలో రాంబిల్లి అనే ఒక నల్ల మచ్చల పిల్లి ఉండేది. అది ఒకరోజు ఇల్లులూ తిరుగుతూ ఒక ఇంటిలోని చెట్టుపై ఒక గూడును కనుగొంది. 

అప్పుడు అది ఆ చెట్టు పైకి ఎక్కి ఆ గూటిలోకి చూసింది. అప్పటికి ఆ గూటిలో ఏమీ లేదు, ఎందుకంటే అది ఇప్పుడే పూర్తయింది. 

దానితో ఆ నల్ల మచ్చల పిల్లి రాంబిల్లి, "నేను ఆ గుటిలోకి ఏదైనా పక్షి వచ్చి చేరేవరకు వేచి ఉంటాను!" 

ఆ గూటిలో ఏదైనా వచ్చి నివాసం ఉండేదాకా దాని చుట్టూ తిరగను, ఏదైనా తనని ఆ గూటి చుట్టూ తిరగటం చుస్తే అందులోకి వచ్చి ఏదీ ఉండదు అని అనుకున్నది. 

ఆ నల్ల మచ్చల పిల్లి ఎంతో సహనం కలది. దాని ఓపిక గురించి తలుచుకుని అదే ఎంతో మురిసిపోతోంది. 

ఇంతలో ఒక నెల గడిచింది. ఆ నల్ల మచ్చల పిల్లి దూరం నుంచి గూటిని ఒక కంట కనిపెడుతూనే ఉన్నది. 

ఆ గూటిలోకి ఒక పక్షి వచ్చి గుడ్లు పెట్టింది. ఆ పక్షి అక్కడ లేనప్పుడు ఈ నల్ల మచ్చల పిల్లి చెట్టుపైకి పిల్లిలా నక్కి వెళ్ళింది. 

ఆ గూటిలో 4 గుడ్లు ఉన్నాయి. అవి ఎంతో అందంగా, ముద్దుగా, మెరుస్తూ, నోరూరిస్తూ సువాసనతో ఉన్నాయి. 

అప్పుడు నల్ల మచ్చల పిల్లి ఇలా అనుకున్నది, “గుడ్లు మంచివే, కానీ అవి కడుపు నిండవు. అవి చిన్న పక్షులుగా మారాక తింటే ఇంకా రుచిగా ఉంటాయి. నేను అప్పటిదాకా ఎదురుచూస్తా." అని అనుకున్నది. 

సరే అని అప్పటిదాకా నోరూరిస్తున్నా వేచి ఉన్నది. 

ఆ నల్ల మచ్చల పిల్లి వేచి ఉండగా, ఎలుకలు పట్టుకుంటూ, నిద్రపోతూ, సమయం గడుపుతూ, కాలం గడవడానికి చేయవలసినదంతా చేసింది. 

మరో రోజు గడిచిన తర్వాత, ఆ నల్ల మచ్చల పిల్లి మళ్లీ చెట్టు ఎక్కి గూడులోకి చూసింది. 

ఈసారి ఐదు గుడ్లు వచ్చాయి. 

కానీ మచ్చల పిల్లి మళ్ళీ తనకు తాను ఇలా చెప్పుకుంది, “ఓహో! అమోఘం, ఒక రోజు వేచి ఉంటే ఇంకొక గుడ్డు పెరిగింది, ఇంకా వేచి ఉంటే ఇంకొన్ని గుడ్లు పెరగొచ్చు, అవి చిన్న పక్షులుగా మారతాయి, అవి తినటానికి ఎంతో రుచిగా ఉంటాయి. అని అనుకొంది. 

 నేను మరికొంత కాలం వేచి ఉంటాను! అని అనుకున్నది. 

అలాగే కొంత కాలం వేచి చూసి మళ్ళీ గూటి దగ్గరికి వెళ్ళింది. 

"ఆహ! అక్కడ ఐదు చిన్న పక్షులు ఉన్నాయి, పెద్ద కళ్ళు మరియు పొడవైన మెడలు, మరియు పసుపు ముక్కులతో ఏంతో అందంగా, రుచికరమైన వాసనతో ఉన్నాయి." అని అనుకున్నది. 

అప్పుడుఆ నల్ల మచ్చల పిల్లి కొమ్మ మీద కూర్చొని, చాలా సంతోషంగా ఉన్నందున అది తన ముక్కును నాలికతో నాక్కుని అందంగా "ఓపికగా ఉండటం విలువైనదే!" అని అనుకున్నది. 

కానీ ఆ చిన్న పక్షులను ఆ నల్ల పిల్లి మళ్లీ చూసినప్పుడు, అది మొదట దేన్నీ తినాలో ఎంచుకోవడానికి చూడగా, అవి అన్నీ చాలా సన్నగా, పీలగా ఉన్నాయని దానికి అనిపించింది. 

అప్పుడు అది  "ఓహో!! ఇవి ఇంకా చాలా, చాలా సన్నగా, చిన్నగా ఉన్నాయి! నా జీవితంలో ఇంత సన్నగా ఏమీ చూడలేదు." అని అనుకుంది. 

"ఇప్పుడు," అది తనలో తాను ఇలా చెప్పుకుంది, "నేను మరికొన్ని రోజులు వేచి ఉంటే, అవి లావుగా పెరుగుతాయి. 

సన్నని పక్షులు బాగానే ఉంటాయి, కానీ లావుగా బలిసిన పక్షులు ఇంకా చాలా బాగుంటాయి. నేను అప్పటిదాకా ఎదురుచూస్తా!" అని అనుకుంది. 

కాబట్టి ఆ నల్ల పిల్లి రాంబిల్లి అలాగే ఎంతో సహనంతో వేచి ఉంది.  

ఆ నల్ల పిల్లి, పిల్ల పక్షులకి రోజంతా పురుగులను గూడుకు తీసుకువస్తున్న తండ్రి-పక్షిని చూసి, “ఆహా! అవి వేగంగా లావుగా అవుతూ ఉండి ఉండాలి! 

అవి ఎంతో త్వరలో నేను కోరుకున్నంత లావు అవుతాయి. 

ఆహా! ఓపికగా ఉండటం ఎంత మంచి విషయం." అని అనుకుంది. 

చివరికి, ఒక రోజు ఆ నల్లా పిల్లి ఇలా అనుకుంది, “ఖచ్చితంగా, ఆ పక్షిపిల్లలు ఇప్పుడు తగినంత లావుగా అయ్యి ఉండాలి! 

ఇంక ఒక్క రోజు కూడా ఆగను. 

ఆహా! అవి ఎంత మంచిరుచిగా ఉంటాయో! ఆహా! ఓహో! అవి ఇక నావే. 

వివాహ భోజనంబు విందైన వంటకంబు!" అని అనుకుంటూ చెట్టు పైకి ఎక్కి గూటి దగ్గరికి వెళ్ళింది. 

కానీ ఆ నల్ల పిల్లి పైకి చేరుకుని గూడులోకి చూసే సరికి ఆ గూడు ఖాళీగా ఉంది!! అక్కడ పక్షిపిల్లలూ లేవు, గుడ్లూ లేవు. 

అప్పుడు ఆ నల్ల మచ్చల పిల్లి కొమ్మ మీద కూర్చొని ఇలా అనుకుంది, "ఆలస్యం, అమృతం, విషం." అని. 

కాకపోతే అది పిల్లి కదా అందుకని అది" మియాం!! మియాం!! మియాం!!" అని అన్నది. 

అందుకే అన్నారు పెద్దలు, "ఆలస్యం, అమృతం, విషం." అని. 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

A Clever Boy: The Intelligent Riddle

Telugu Stories

సింహం, మేక, గడ్డిమోపు కథ 

అవంతీపుర రాజు విక్రమసేనుడు గొప్ప రాజు. తన రాజ్యాన్ని ఎంతోగొప్పగా పాలించేవాడు. తన ప్రజలని కన్నా బిడ్డల్లా చూసుకునేవాడు. 

అతని ప్రధాన మంత్రి ముసలివాడైపోయాడు. అప్పుడు ఆ మంత్రి రాజుతో "ఓ! రాజా నేను ముసలివాడైపోయాను. ఇక నేను ప్రధాన మంత్రిగా ఉండలేను, మీరు ఇక ఒక కొత్త ప్రధానమంత్రిని వెతికి అతన్ని మంత్రిగా నియమించాలి." అని అన్నాడు. 

ఇక తన రాజ్యం కోసం తెలివైన వ్యక్తి తన కొత్త ప్రధానమంత్రి కావాలని విక్రమసేనుడునిరాంయించుకున్నాడు. 

కానీ ఎవరిని పడితే వారిని తన రాజ్య ప్రధాన మంత్రిగా నియమించలేడు, ఇందుకోసం ఓ చిక్కు పోటీని ఏర్పాటు చేశాడు.

దాని కోసం రాజ్యంలో ఒక దండోరా వేయించాడు. రాబోయే పౌర్ణమి నాడు రాజ్యసభలో ఆ రాజ్య ప్రజలందరూ రావలిసినదిగా, అక్కడ వచ్చిన వారికి ఒక పరీక్ష పెట్టబడుతుందని. అక్కడికి వచ్చిన వారు ఒక చిక్కు ప్రశ్నకు సమాధానం చెప్పాలని. చెప్పినవారు విజేతగా ప్రకటించబడి, ఆ రాజ్య ప్రధాన మంత్రిగా ఎంచుకోబడతాడని.  

పౌర్ణమి రోజు రాణే వచ్చింది. రాజ్య ప్రజలందరూ చిక్కు ప్రశ్నకి ఎవరు సమాధానం చెబుతారా అని ఉత్సాహంగా చూడటానికి వచ్చారు. 

ప్రజలందరూ ఆ చిక్కు ప్రశ్న ఏమిటా నాయి ఉత్సుకతతో ఎదురుచూస్తుండగా రాజు విక్రమసేనుడు సభకు వచ్చాడు. 

రాజు ఆ చిక్కు ప్రశ్నను ఇలా చెప్పాడు "ఒకసారి మేక, గడ్డి మూట మరియు సింహంతో ఒక వ్యక్తి ఒక చిన్న పడవలో ఒక నదిని దాటవలసి వచ్చింది, అతను ఒకసారి రెండింటిని తీసుకువెళ్లవచ్చు." 

"ఈ పరిస్థితిలో అతను ఏమి చేయాలి? అతను అన్నింటినీ అవతలి ఒడ్డుకు ఎలా తీసుకువెళ్లాడు?" అని రాజు తన ఆస్థానంలో అందరినీ అడిగాడు.

సింహం, మేక, గడ్డిమోపు కథ 

అక్కడికి వచ్చిన వారందరూ విన్నారు కానీ ఎవరు ముందుకు వచ్చి సమాధానాన్మ్ చెప్పలేదు. 

రాజ్యంలో ఎవరూ సమాధానం చెప్పలేరు. 

అందరూ ఆలోచనలో ఉన్నారు, ఏమి చెప్పాలో అర్థం కాలేదు. 

వారు ముందుగా సింహాన్ని తీసుకువెళ్తే, మేక గడ్డిని తింటుంది. 

ఆలా కాకుండా గడ్డిని తీసుకువెళ్తే,  సింహం మేకను తింటుంది. 

మొదట మెకాని తీసుకువెళ్లి తరువాత గడ్డిని కానీ, సింహాన్ని కానీ తీసుకువెళ్లిన అదే పరిస్థితి.  

అందరూ ఆలోచించారు కానీ ఎవరికీ సరైన సమాధానం దొరకలేదు.

అప్పుడు రాజు దగ్గరకు ఒక యువకుడు వచ్చి, “మహారాజా! 

మీ ప్రశ్నకు నా దగ్గర సరైన సమాధానం ఉందని నేను భావిస్తున్నాను! ” 

రాజు, "యువకుడా, మాకు సరైన సమాధానం చెప్పు!"  అని అన్నాడు. 

యువకుడు ఇలా కొనసాగించాడు, “ఆ వ్యక్తి మొదట మేకను తీసుకొని నదికి అవతలి ఒడ్డున వదిలివేస్తాడు. 

తరువాత, అతను తిరిగి వచ్చి సింహాన్ని తీసుకువెళ్తాడు. 

అతను సింహాన్ని అవతలి వైపు వదిలి మేకను తిరిగి తీసుకువస్తాడు. 

మేకను ఇటువైపు వదిలేసి, గడ్డి తీసుకువెళ్తాడు. 

తరువాత మూడవ తడవ మేకను అటు ఒడ్డుకు తీసుకువెళతాడు.

ఈ విధంగా, అతను ఏమీ కోల్పోకుండా నదిని దాటుతాడు. 

అతని సమాధానానికి సభలో అందరూ ఆశ్చర్యపోయారు. 

వెంటనే అందరూ కరతాళధ్వనులతో ఆ యువకుడిని అభినందించారు. 

రాజు కూడా ఆ యువకుడి తెలివితేటలకు మెచ్చుకుని ఎంతగానో ప్రశంసించాడు. 

 

ఇంకేముంది, రాజు ఆ యువకుడిని తన కొత్త ప్రధాన మంత్రిగా ప్రకటించాడు. 

అందుకే అన్నారు పెద్దలు, "ఏదైనా పదవి పొందటానికి అర్హత ఉండాలి." అని. 

ఏ కథలో రాజు విక్రమసేనుడు తన ప్రధానమంత్రి పదవికి పోటీ పెట్టి ఆ యువకుడి తెలివి తేటలకి పరిక్ష పెట్టి అప్పుడు అతన్ని ప్రధాన మంత్రిని చేశాడు. 

యుక్తి, వినయం, సుగుణాలు అర్హతను ఇస్తాయి. 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

 The Story of Fox And The Crows: A True Friend

Telugu Stories

నిజమైన స్నేహితుడు 

అనగనగా ఒక కాకి, కాకి భార్య ఒక నది పక్కన ఉన్న ఒక పెద్ద మర్రి చెట్టుపై తమ గూడును నిర్మించి ఆనందంగా జీవిస్తున్నారు.  

కొన్ని రోజులకి అడా కాకి గుడ్లు పెట్టింది. ఆడ కాకి గుడ్లు పెట్టినప్పుడు, వారు ఎంతో ఘోరమైన విషయాన్ని కనుగొన్నారు. 

 

చెట్టు అడుగున ఉన్న బిలంలో నివసించే ఒక పెద్ద పాము పైకి వచ్చి వాటి అందమైన గుడ్లన్నింటినీ తినేసింది. 

కాకులు కోపం, బాధతో నిస్సహాయంగా రోదించాయి. 

ఆలా కాకి గుడ్లు పెట్టిన ప్రతీసారి కింద ఉన్న పాము వచ్చి ఆ గుడ్లని తినేసేది.

ఇలా చాల సార్లు జరిగిన తరువాత ఆ కాకి జంట, "ఈ చెడ్డ పామును ఇకపై మా పిల్లలను తిననివ్వలేము" అని నిర్ణయించుకున్నాయి. 

అప్పుడు అడా కాకి మెగా కాకితో "మీరు ఆ పాము నుండి మన గుడ్లని  రక్షించడానికి ఒక మార్గాన్ని కనుగొనాలి," అని చెప్పింది.

ఇది విన్న మెగా కాకి "మన స్నేహితుడైన నక్క వద్దకు వెళ్దాం. అతను చాలా తెలివైనవాడు. అతను ఖచ్చితంగా ఒక చక్కటి పరిష్కారంతో మనకు సహాయం చేయగలడు," అని  చెప్పింది.

వారిద్దరూ తమ స్నేహితుడు నక్క నివసించే అడవిలోని గుహకు వెళ్లారు.

నక్క వాళ్ళు రావడం చూసింది. 

"ఓ, నా స్నేహితులారా. మీరు ఎందుకు చాలా విచారంగా ఉన్నారు? ఎందుకు ఆందోళన చెందుతున్నారు? నేను మీకు ఏదైనా సహాయం చేయగలనా?" 

అతను అడిగాడు.

"నా భార్య మా గూడులో గుడ్లు పెట్టిన ప్రతిసారీ, చెట్టు అడుగున నివసించే ఒక చెడ్డ పాము వాటిని తింటుంది" అని కాకి వివరించింది.

"అతడ్ని వదిలించుకుని మా పిల్లల్ని కాపాడుకోవాలనుకుంటున్నాం.మేమేం చేయగలమో చెప్పండి." అని నక్కని అడిగాయి. 

నక్క కొంతసేపు ఆలోచించింది. 

"మీరు ఏమి చేయాలో నాకు తెలుసు," అని, నక్క, కాకులకు తన పథకం వివరంగా చెప్పాడు.

నదికి స్నానానికి తన పరిచారికలతో రావడం రాణికి అలవాటు. 

అలా చేయగానే తమ బట్టలు, నగలు అన్నీ తీసేసి నది ఒడ్డున పెడతారు. 

అప్పుడు నేను చెప్పినట్టు చేయండి అని అన్నది.  

మరుసటి రోజు రాణి మరియు ఆమె పరిచారికలు ఎప్పటిలాగే బట్టలు, నగలు, గట్టున పెట్టి నదిలోకి ప్రవేశించారు.

అప్పటికే అక్కడ ఉన్న కాకి జంట, నక్క వారికీ ఏమి చెప్పిందో సరిగ్గా అలాగే చేశారు. 

రాణి పరిచారికలు బట్టలు, నగలు గట్టున పెట్టిందే, ఆడ కాకి తన ముక్కుతో ఒక విలువైన ముత్యాల హారాన్ని వేగంగా తీసుకుంది. 

అదే సమయంలో, మగ కాకి రాణి మరియు ఆమె పరిచారికల దృష్టిని ఆకర్షించడానికి బిగ్గరగా అరవడం ప్రారంభించింది.

"అయ్యో, ఆ కాకులు నా ముత్యాల హారాన్ని తీసుకున్నాయి." 

అని అరిచింది రాణి. 

"భటులరా!!" అని అరిచింది. 

"ఆ కాకుల నుండి ఆ హారాన్ని తిరిగి పొందటానికి రాణి కాపలాదారులు పెద్దగా అరుస్తూ కాకులను వెంబడించారు.

కాకులు నేరుగా మర్రిచెట్టు దగ్గరకు ఎగురుకుంటూ వెళ్లాయి. 

కాపలాసురులు కూడా కాకుల జంటని వెంబడిస్తూ ఆ మర్రి చెట్టు దగ్గరికి వచ్చారు. 

బయట శబ్దం విని, చెట్టు అడుగున ఉన్న పాము తన బిళంలోంచి 

బయటకు వచ్చింది. 

ఇంకేముంది, దాని కోసమే ఎదురుచూస్తున్నా ఆడ కాకి వెంటనే పాము ఉన్న చోటే హారాన్ని పడేసింది.

"చూడండి! హారం దగ్గర ఒక పెద్ద పాము ఉంది" అని ఒక భటుడు అరిచాడు.

ఏం జరుగుతుందో తెలుసుకునేలోపే కాపలాదారులు పాముని పదునైన ఈటెలతో దాడి చేసి చంపేశారు. 

వెంటనే భటులు ఆ హారాన్ని తీసుకొని తిరిగి తమ రాణి వద్దకు తీసుకెళ్లారు.

తమ శత్రువును వదిలించుకోవడానికి సహాయం చేసినందుకు కాకుల జంట తమ స్నేహితుడైన నక్కకు కృతజ్ఞతలు తెలిపాయి. 

ఆ కాకుల జంట అప్పటినుచి తమ పిల్లలతో సంతోషంగా జీవించాయి.

అందుకే అన్నారు పెద్దలు, "అవసరంలో ఆడుకునేవాడే అసలైన స్నేహితుడు." అని. 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

The Tale of Indigo Fox: Moral Stories

Telugu Stories

నీలి నక్క 

ఒక అడవిలో, ఒక నక్కల సమూహం నివసించేది. అవి సింహం భోజనంలో మిగిలిపోయిన వాటిని తినడానికి కలిసి వేటాడేవి. ఆ నక్కల్లో ఒకటి కొద్దిగా ముసలిదైపోయింది. చిన్న నక్కలన్నీ ఆ ముసలి నాక్కని బెదిరించి వాటి తోటి ఆహారం పంచుకోనివ్వలేదు.

అప్పుడు "నా ఆకలి తీరాలంటే నేనేమైనా చెయ్యాలి. ఇలా ఏమి తినకుండా, నేను చాలా కాలం బ్రతకలేను" అనుకుంది ముసలి నక్క.

అతను తన గుంపును విడిచిపెట్టి తన ఆహారం తానే వెతకాలని నిర్ణయించుకున్నాడు. ఆ ముసలి నక్క చాలా రోజులు ఆహారం కోసం తిరిగాడు,  కానీ ఎంత వెతికిన తిండి దొరక లేదు. అతను వెళ్ళిన ప్రతిచోటా, ఇతర జంతువులు ఆ ముసలి నక్కని తరిమికొట్టాయి.

ఇక లాభం లేదనుకుని , ఆ ముసలి నక్క ఆహారం కోసం గ్రామంలోకి వెళ్లాలని నిర్ణయించుకుంది. 

రాత్రి పొద్దుపోయిన తర్వాత, గ్రామస్థులు అంతా నిద్రపోయిన తరువాత, ఆ ముసలి నక్క ఆహారం కోసం గ్రామ వీధుల్లో వెతకటం ప్రారంభించింది. 

ఆలా వెతుకుతుండగా ఎక్కడినుంచి వచ్చిందోకానీ, అకస్మాత్తుగా కుక్కల సమూహం ఆ ముసలి నక్కను వెంబడించడం ప్రారంభించింది. 

ప్రాణభయంతో ఆ ముసలి నక్క తన బలహీనమైన కాళ్లు ఎంత వేగంగా పరిగెత్తగలవో అంత వేగంగా పరుగెత్తి అక్కడినుంచి పారిపోయింది.

తప్పించుకోవడానికి మార్గం కనిపించక, ఆ ముసలి నక్క తనకు కనిపించిన మొదటి సందులోకి దూకింది. 

ఆ ముసలి నక్క దుర్వాసనతో కూడిన ద్రవపు తొట్టెలో పడిపోయాడు. 

అది బట్టలకు పెట్టె నీలి మందు యొక్క తొట్టి. ఆ ఇల్లు ఆ ఊరి చాకలివాడిది.

నక్క ఆ ద్రవంలోంచి హడావిడిగా పైకి లేచి భయంతో బయటకు చూసేసరికి, బయట అతని కోసం వేచి ఉన్న కుక్కలు ఆ ముసలి నక్కని చూసి కేకలు వేసి, తోకలను కాళ్ల మధ్య పెట్టుకుని పారిపోయాయి. ఇది చూసి ఆ ముసలి నక్క ఎంతో ఆశ్చర్యపోయింది. 

అప్పటికి అన్ని కుక్కలు అక్కడినుంచి వెళ్లిపోయాయి. ఇక ముసలి నక్క వెంటనే అడవిలోకి వెళ్ళిపోయాడు. 

ముసలి నక్క దాహం తీర్చుకోవడానికి అడవిలోని నీటి గుంట దగ్గరకి వెళ్లింది. 

ముసలి నక్క దగ్గరికి వెళ్లిందే అక్కడ ఉన్న మిగతా జంతువులన్నీ నీలి రంగులో ఉన్న ముసలి నక్క ను చూసి భయంతో పరుగులు తీశాయి. 

ఆలా అన్ని జంతువులూ ఒక్కసారి భయంతో పరుగు తీసేసరికి ఆ ముసలి నక్క ఒకసారి చుట్టూ చూసింది. అక్కడ ఏమి కనిపించలేదు. దానితో ముసలి నక్కకి ఆ జంతువులన్ని ఆలా ఎందుకు పరిగెత్తాయొ అర్థం కాలేదు. 

ముసలి నక్క చాలా దాహంతో ఉంది. సరే తన దాహం తీర్చుకోవడానికి నీటి గుంట వద్దకు వెళ్ళింది.  

అది నీటిని త్రాగడానికి క్రిందికి వంగినప్పుడు, దానికి అద్భుతమైన, అసాధారణమైన రంగులో ఉన్న ఒక వింతగా కనిపించే జీవి నీటిలో నుండి తన వైపు చూస్తున్నట్లు గమనించి ఆ ముసలి నక్క ఎంతో ఆశ్చర్యపోయాడు. 

మొదట ముసలి నక్క భయపడింది, కానీ వెంటనే అది తన ప్రతిబింబాన్ని తానే చూస్తున్నట్లు గ్రహించింది. 

అప్పుడు దానికి  గ్రామంలో అది పడిపోయిన దుర్వాసనతో కూడిన ద్రవాన్ని గుర్తుచేసుకుంది. 

"అందుకే ఆ కుక్కలు మరియు అడవిలోని ఈ జంతువులన్నీ భయపడుతున్నాయి!" అని తనలో తానే తర్కించుకుంది. 

దాని జిత్తులమారి మనస్సు త్వరగా ఒక పథకాన్ని ఆలోచించింది.

వెంటనే అది భయపడిన జంతువులను పిలిచాడు. 

"నాకు భయపడకండి. మిమ్మల్ని రక్షించడానికి బ్రహ్మచేత పంపబడ్డాను." అని ఆ జంతువులని నమ్మించింది. 

ఇది విని ఆ జంతువులన్నీ ఒక్కసారిగా అతన్ని నమ్మి రాజుని చేశాయి.

రోజులు గడిచేకొద్దీ, నక్క గర్వంగా,  సోమరిగా మారింది. 

దానికి  ఇక ఆహారం కోసం వెతకాల్సిన అవసరం లేకపోయింది. 

మిగిలిన జంతువులన్నీ ఆహారాన్ని తెచ్చి, ఆ ముసలి నక్కకి  ప్రతి రోజు పెడుతున్నాయి. దాని అవసరాలన్నీ చూసుకుంటున్నాయి. 

ఇక ఆ ముసలి నక్క సంతోషానికి  అంతులేదు.

ఒక పౌర్ణమి రోజు రాత్రి, ఇంతకు ముందు ముసలి నక్క ఉన్న నక్కల గుంపు చంద్రున్ని చూసి ఉళ వేయడం ప్రారంభించాయి. 

నీలిమందు నక్క చాలా కాలంగా తన సోదరుల కేకలు వినలేదు. ఒక్కసారిగా ఆ నీలి మందు ముసలి నక్క చాలా కాలం తరువాత దాని తోటి నక్కల ఉళ వినటంతో , దానికి కూడా వాటితో కలసి ఉళ వేయాలనే కోరిక కలిగింది. అది ఆ కోరికని అదుపులో ఉంచుకోలేక పోయింది. 

ఇంకే ముంది ఆ నీలి మందు ముసలి నక్క వెంటనే తన తల వెనుకకు తిప్పి, తన హృదయపూర్వకంగా ఉళ వేయడం ప్రారంభించాడు.  

ఇది విన్న ఇతర జంతువులు తమను కాపాడటానికి స్వర్గం నుంచి  పంపబడిన రాజు,  సాధారణ నక్కలా ఉళ వేయడం విని ఆశ్చర్యపోయాయి. 

అవి వెంటనే వారు తమ తప్పును గ్రహించాయి.

"ఇది బ్రహ్మ పంపిన అసాధారణ జంతువు కాదు. నక్కలా ఉళ వేస్తుంది." అని ఎలుగుబంటి అన్నది. 

"అవును. ఇది సాధారణ నక్కలా ఇతర నక్కలను పిలుస్తుంది." 

"అవును,  అది మనల్ని మోసం చేసింది." 

"అవును, అది శిక్షించబడాలి," అని ఇతర జంతువులు అన్ని ముక్తకంఠంతో అన్నాయి. 

ఇంకేముంది "రండి! ఆ నీలి మందు నక్కకి గుణపాఠం చెబుదాం." అని అన్ని జంతువులూ కలిసి నీలిమందు నక్కను తీవ్రంగా కొట్టాయి.

అందుకే అన్నారు పెద్దలు, "సహజ ప్రవ్రుత్తి ఎంత దాచిన దాగదు." అని. 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

An Intelligent Fox: The Fox and The Lion

Telugu Stories

 తెలివైన నక్క 

ఒక అడవిలో ఒక సింహం నివసించేది. అతను పెద్దవాడయ్యాడు. వయస్సు మీద పడటంతో వేగంగా పరిగెత్తలేకపోయేవాడు. రోజులు గడుస్తున్న కొద్దీ అతనికి వేటాడటం కష్టతరంగా మారింది.

ఒకరోజు అతను ఆహారం కోసం అడవిలో తిరుగుతుండగా, అతనికి ఒక గుహ కనిపించింది. అతను గుహలోపలికి పరీక్షగా చూస్తూ గుహలోని వాసన చూశాడు.   

గుహలో ఎదో జంతువు నివసిస్తున్న వాసన వచ్చింది. అప్పుడు సింహం కొన్ని జంతువులు ఇక్కడ ఉండి ఉండాలి," అతను తనలో తాను అనుకున్నాడు. అతను గుహ ఖాళీగా ఉన్నందున లోపలికి చొచ్చుకుపోయాడు.

"నేను లోపల దాక్కుని జంతువు తిరిగి వచ్చే వరకు వేచి ఉంటాను," అని అనుకున్నాడు.

ఆ గుహ ఒక నక్క యొక్క నివాసం. ప్రతిరోజూ, నక్క ఆహారం కోసం బయటకు వెళ్లి సాయంత్రం విశ్రాంతి తీసుకోవడానికి గుహకు తిరిగి వచ్చేది. ఆ సాయంత్రం, నక్క భోజనం చేసి గుహ వైపు బయలుదేరింది. 

కానీ గుహ దగ్గరికి వచ్చేసరికి ఏదో తేడాగా అనిపించింది. 

అతని చుట్టూ అడవి అంతా చాలా నిశ్శబ్దంగా ఉంది. పక్షులు శబ్దం చెయ్యట్లేదు, జంతువుల అరుపులు వినిపించటం లేదు.

"ఏదో తేడాగా ఉంది," అని నక్క తనలో తాను అనుకుంది. 

"అన్ని పక్షులూ,  కీటకాలు ఎందుకు నిశ్శబ్దంగా ఉన్నాయి?"అని అనుకున్నది. 

చాలా నెమ్మదిగా,  జాగ్రత్తగా, నక్క తన గుహ వైపు నడిచింది. నక్క తన చుట్టూ చూసి, ఏదైనా ప్రమాద సంకేతాలు ఉన్నాయా! అని చూస్తున్నాడు. 

అతను గుహ ముఖద్వారం దగ్గరికి వచ్చేసరికి, అక్కడ అంతా అతనికి ప్రమాద హెచ్చరికలు కనిపించాయి. 

దానితో నక్క గుహ దగ్గర,లోపల అంతా బాగానే ఉందని నేను నిర్ధారించుకోవాలి," అనుకుంది.  

దాని కోసం నక్క ఒక అద్భుతమైన ప్రణాళికను ఆలోచించాడు.

తెలివైన నక్క గుహ బయట నిలబడి గుహలోకి పిలిచింది, "ఓ! నా మంచి గుహా, ఈ రోజు నీకు ఏమి జరిగింది? నీవు ఎందుకు నిశ్శబ్దంగా ఉన్నావు?"

నక్క స్వరం గుహ లోపల పెద్దగా ప్రతిధ్వనించింది. అప్పటికి తన ఆకలిని అదుపు చేసుకోలేని సింహం, "నేను ఇక్కడ ఉన్నందున గుహ నిశ్శబ్దంగా ఉందేమో!! ఏదో తప్పు జరిగిందని నక్క గ్రహించేలోపు, నేను ఏదో ఒకటి చేయాలి." అని అనుకుంది. 

నక్క "ఓ గుహా మన ఒప్పందం మరచిపోయావా? నేను ఇంటికి తిరిగి వచ్చినప్పుడు నీవు నన్ను పలకరించవలసి ఉంటుంది కదా!" అని పలకరించింది. 

సింహం తన కంఠస్వరంతో నక్కని బోల్తా కొట్టడానికి ప్రయత్నించి, గుహలోంచి "ఓ! నక్క మిత్రమా నీకు స్వగతం!" అని పిలిచింది.

ఇంకేముంది సింహం గర్జన విని పక్షులు కిలకిలరావాలు చేస్తూ ఎగిరిపోయాయి. 

నక్క విషయానికొస్తే, అతను భయంతో వణుకుతూ, ఆకలితో ఉన్న సింహం అతనిపై దూకి చంపి తింటుఅందని అర్థమై, అతనిని తినడానికి ముందే, నక్క తన కాళ్లు ఎంత వేగంగా పరిగెత్తగలదో అంత  వేగంగా తన ప్రాణం కోసం పరిగెత్తింది.

సింహం నక్క గుహలోకి ప్రవేశిస్తుందేమోనని చాలా సేపు ఎదురుచూసింది. కానీ నక్క తిరిగి రాకపోవడంతో, సింహం తాను ఆ తెలివైన నక్క దగ్గర మోసపోయిందని  గ్రహించింది. 

ఏంతో కెహెక్కటి ఆహారాన్ని కోల్పోయిందని తన మూర్ఖత్వానికి తనను తాను తిట్టుకుంటూ, బాధతో అక్కడి నుంచి వెళ్ళిపోయింది.  

అందుకే అన్నారు పెద్దలు, "తెలివి ఉంటే, తెడ్డు లేకుండా కూడా ఏరు దాటొచ్చని." 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

 The Ant and The Grasshopper: A Tale of Harmony

Telugu Stories

శ్రమ విలువ

ఒకప్పుడు, పచ్చదనంతో ఉన్న ఒక గడ్డి మైదానం మధ్యలో ఒక పొడవైన ఓక్ చెట్టు ఉంది. ఈ ఓక్ చెట్టు చీమల కాలనీకి నిలయంగా ఉండేది. అందులో ఒక శ్రద్ధగల చీమ జాస్పర్ అని ఉంది. అక్కడే లిజి అనే ఉత్సాహమైన మరియు నిర్లక్ష్యమైన గొల్లభామ కూడా ఉంది.

లిజి ఆనందం మరియు ఉల్లాసం యొక్క స్వరూపం. అతను తన వయోలిన్‌లో ట్యూన్‌లు చేస్తూ, సూర్యుని వెచ్చదనాన్ని ఆస్వాదిస్తూ, ఆనందంగా ఉండేవాడు. అతను తరచుగా శ్రమిస్తున్న చీమలను చూస్తూ వాటి నిరంతర శ్రమను చూసి నవ్వుతూ ఉండేవాడు.



"ఎందుకలా కష్టపడతారు ?" అని లిజి ఎగతాళి చేసేవాడు . "ప్రస్తుత క్షణాన్ని నాలాగే ఆనందించండి!" అని అనేవాడు.

చీమల నాయకుడు జాస్పర్ ఎప్పుడూ తన తోటి చీమలకి "శ్రమించేవారికి ఎప్పుడూ జయం కలుగుతుంది. " అని చెప్పేవాడు. వారు రాబోయే చలికాలం ఆహారాన్ని సేకరించి నిల్వ చేసే పనిని ఆపలేదు. వారు శ్రద్ధగా విత్తనాలు, ధాన్యాలు సేకరించి, వాటిని తమ భూగర్భ గదులలో నిల్వ చేసి, రాబోయే చలి కాలం కోసం తమను తాము సిద్ధం చేసుకున్నారు.


రోజులు గడిచేకొద్దీ, పూర్తిగా చలి మొదలయింది,  పచ్చికభూమి క్రమంగా రూపాంతరం చెందింది. ఆకులు బంగారు రంగులోకి మారాయి మరియు గాలిలో చల్లదనం ప్రారంభమైంది. చీమలు తమ ప్రయత్నాలను ముమ్మరం చేశాయి, రాబోయే శీతాకాలం కోసం తగినంత ఆహారాన్ని సంపాదిస్తూనే ఉన్నాయి. ఇంతలో, లిజి తన నిర్లక్ష్య ధోరణితోనే జీవిస్తున్నాడు, భవిష్యత్తు గురించి చింతించకుండా వేసవి చివరి వరకూ వేసవిని ఆస్వాదించాడు.


చలికాలం మొదలై మంచు పడిప్పుడు, గడ్డి మైదానంలో తీవ్రమైన మార్పు వచ్చింది. ఒకప్పుడు సందడిగా ఉండే వృక్షజాలం వాడిపోయింది, తెల్లటి మంచు దుప్పటిలాగా రంగులు కమ్ముకున్నాయి. గాలులు వీచాయి, మరియు చలి భూమిని చుట్టుముట్టింది. చీమలు తమ వెచ్చని గదులలో ఆశ్రయం పొందాయి, వాటి చుట్టూ ఆహార నిల్వలు ఉన్నాయి, కఠినమైన శీతాకాలం కోసం సిద్ధంగా ఉన్నాయి.


మరోవైపు, లిజి మంచు తుఫాను మధ్యలో చిక్కుకుపోయాడు, అతని వయోలిన్ చలిలో సంగీతాన్ని అందించలేకపోయింది. ఆకలి తన కడుపుని కొరుకుతూ, ఎక్కడా ఆశ్రయం లేకపోవటంతో, అతను తన నిర్లక్ష్య వైఖరికి పశ్చాత్తాపపడ్డాడు.


చలికి వణుకుతూ, చీమల కాలనీ ప్రవేశ ద్వారం దగ్గర నిలబడి లిజి తన పొరపాటును తెలుసుకున్నాడు. అతను చీమల కష్టాన్ని మరియు అంకితభావాన్ని, వెక్కిరించాడని బాగా తెలిసి అతను ఎంతో బాధపడ్డాడు. అయినప్పటికీ, తన పరిస్థితిని బట్టి, అతను చీమల కరుణ కోసం ఆశతో వారి తలుపు తట్టాడు.

జాస్పర్, తెలివైన చీమల నాయకుడు, తలుపు తెరిచాడు. అతని దయగల కళ్ళు లిజీని లోపలి రానిచ్చాయి. లిజి ఇంతకు ముందు చీమలని ఎగతాళి చేసినప్పటికీ, జాస్పర్, లిజికి ఆహారం, మరియు ఆశ్రయం ఇచ్చి చీమల మంచితనాన్ని చూపించింది.

"నా మూర్ఖత్వానికి నన్ను క్షమించండి," అని లిజి గొణుగుతున్నాడు, అతని స్వరం పశ్చాత్తాపంతో నిండిపోయింది. "నేను ఇప్పుడు మీ కృషి మరియు ఐక్యత యొక్క విలువను అర్థం చేసుకున్నాను." అని అన్నాడు.



చీమలు, విశేషమైన దయ చూపుతూ, లిజితో తమ ఆహారాన్ని పంచుకున్నాయి, అతనికి బాధ్యత, దూరదృష్టి యొక్క ప్రాముఖ్యతను బోధించాయి. లిజి, వారి దాతృత్వానికి వినయపూర్వకంగా ధన్యవాదాలు తెలిపాడు. చీమలు శ్రమించేటప్పుడు వారికీ అలసట తెలియకుండా తన వయోలిన్‌లో ఉల్లాసమైన ట్యూన్‌లను వాయించాడు, అది వారి శ్రమ సమయంలో చీమల స్ఫూర్తిని పెంచింది.


చీమలు లిజిలు కలిసి శీతాకాలాన్ని సహించాయి, ఒకరి నుండి ఒకరు ఎంతో నేర్చుకున్నారు. వసంతకాలం సమీపిస్తున్నప్పుడు మరియు పచ్చికభూమి కొత్తగా వికసించినప్పుడు, జాస్పర్ తన సంగీతాన్ని ప్లే చేస్తూనే ఉన్నాడు, కానీ ఈసారి, అతను చీమలతో కలిసి పనిచేశాడు, ఆనందమైన, శ్రద్ధతోకూడిన, సామరస్యమైన, సంతృప్తికరమైన, పరిశ్రమతోకూడిన జీవితాన్నీ జీవించటం కీలకమని అర్థం చేసుకున్నాడు.

అందువల్ల, చీమ మరియు గొల్లభామ యొక్క కథ తరతరాలుగా అందించబడిన, ఆదరించబడిన కథగా మారింది, శ్రమ, శ్రద్ధ, బాధ్యత మరియు వర్తమానాన్ని అస్వాదిస్తుస్తూ,  భవిష్యత్తు కోసం సిద్ధపడటం మరియు సామరస్యం యొక్క సద్గుణాలను బోధిస్తుంది.

!! శ్రమ విలువ తెలుసుకుని మసలుకో!!

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

An Intelligent Host Telugu Stories Grandma Stories

Grandmas Stories presents you telugu stories

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, An Intelligent Host Telugu Stories Grandma Stories 

 ఒకటిని రెండు రెండుని ఒకటి 

పూర్వం కుంతల దేశంలోరామి శెట్టి అని ఒక వ్యాపారస్తుడు ఉండేవాడు. అతను చాలా బాగా వ్యాపారం చేసేవాడు. అతని వ్యాపార మెళకువల కు సాటి వర్తకులు ఎంతో ఆశ్చర్యపోయేవారు. అతని వ్యాపార నైపుణ్యం ఎంతటిదంటే అతని దగ్గర కొనటానికి వచ్చిన వారు అందరూ తప్పకుండా కొనుగోలు చేయవలసిందే ఆ విధంగా అందరినీ తన మాటల ప్రభావంతో బుట్టలో పడేసేవాడు. 

ఒక రోజున రామి శెట్టి వాళ్ళ బంధువు కాశీ అనే అతను వాళ్ళ దుకాణానికి వచ్చాడు. 

అప్పుడు మధ్యాహ్న భోజన సమయం. రామి శెట్టి అతని బంధువు కాశీని భోజనం చేయటానికి వాళ్ళింటికి తీసుకువెళ్లాడు. కాశీ రాకకు రామి శెట్టి అతని భార్య చాలా సంతోషించారు. కొంత సమయం తరువాత రామి శెట్టి తన భార్యతో ఒకటిని రెండు రెంటిని ఒకటి చేయమన్నాడు. 

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, An Intelligent Host Telugu Stories Grandma Stories

వచ్చిన బంధువుకు అది ఏమిటో అర్థం కాలేదు. ఎదో ఒకటి మాట్లాడుతూ రామి శెట్టి మరియు కాశీ సాయంకాలం ఆరు గంటలవరకూ కూర్చున్నారు. అప్పుడు రామి శెట్టి భార్య "ఏమండీ వంట సిద్ధమయ్యింది, భోజనానికి ఇద్దరూ రండి" అని అన్నది. 

ఇద్దరూ భోజనం చేసారు. కాశీ తిరిగి ప్రయాణం అవుతూ రామి శెట్టిని ఈ విధంగా అడిగాడు, " ఇందాక మీరు మీ భార్యతో మాట్లాడేటప్పుడు ఒకటిని రెండు రెంటిని ఒకటి చేయమన్నారు, దాని అర్థం ఏమిటో నాకు తెలియలేదు దయచేసి నాకు వివరించండి. 

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, An Intelligent Host Telugu Stories Grandma Stories

అది విన్న రామి శెట్టి నవుతూ అదేమీ పెద్ద విశేషం కాదు అయినా నీవు అడిగావు కాబట్టి నీకు వివరిస్తానన్నాడు. దానికి అర్థం ఏమిటంటే మొదటిది ఒకటిని రెండు చేయమనడం, అంటే రెండుపూటల భోజనాన్ని ఒక పూత భోజనంగా మార్చమనటం, అందువలనే సాయంకాలం ఆరు గంటలకి వడ్డించింది. ఇక రాత్రికి నువ్వు తినలేవు కదా!! రెండో విషయం ఒకటిని రెండుగా చేయమనటం దాని అర్థం ఏమిటంటే ఒకే కూరని రెండు రకాలుగా వండమనటం. అప్పుడు రెండు రకాల కూరలు వడ్డించినట్టుగా ఉంటుంది కదా. 

అది విన్న కాశీ తెల్లమొహం వేసుకుని తిరుగు ప్రయాణం అయ్యాడు. 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

TO DO OR NOT DO TELUGU STORIES GRANDMA STORIES

పైకి బాణం వేస్తే బ్రహ్మ హత్య, కిందకి బాణం వేస్తే గో హత్య

పూర్వం రత్నగిరి సామ్రాజ్యాన్ని బలభద్రుడు అనే రాజు పరిపాలించేవాడు. ప్రజలని తన కన్నా బిడ్డల్లా చూసుకునేవాడు. అవసరమైనంతవరకే పన్నులు వేసేవాడు. దేశంలో ఉన్న ప్రజలందరూ తమ రాజ్యం రామరాజ్యంలా ఉందని భావించేవారు రత్నగిరి సామ్రాజ్యం ఆయురారోగ్యములతో సుఖ సంతోషాలతో భోగభాగ్యాలతో సుసంపన్నంగా వెలిగిపోతుండేది.

ఆ రాజ్యం పక్కనే ఉన్నటువంటి రాజ్యానికి రాజైనటువంటి కుతూహలుడికి రత్నగిరి సామ్రాజ్య వైభవం గురించి తెలిసి చాలా ఈర్ష్య అసూయ పడ్డాడు. కుతూహలుడు మంత్రులందరితో ఆలోచించిన తరువాత రత్నగిరి సామ్రాజ్యం మీదికి దండెత్తటానికి నిర్ణయించి సమర సన్నాహాలు మొదలుపెట్టాడు. ఈ వార్త రత్నగిరి రాజైన బలభద్రుడికి తెలిసింది.

బలభద్రుడు తన మంత్రులతో సేనాధిపతులతో బ్రాహ్మణ సంఘాలతో కుతూహలుడు తమ సామ్రాజ్యం మీదకి దండెత్తే విషయం గురించి చర్చించాడు.

అక్కడ చర్చలో జరిగింది ఏమిటంటే ఇప్పుడు ఆ రాజుతో యుద్ధం చేస్తే ఓడిపోయే అవకాశాలు ఉన్నాయి. అలాగని అతనితో సంధి చేసుకుంటే కుతూహలుడికి సామంతుడిగా ఉండాలి మరియు తన సామ్రాజ్య వైభవాన్ని అంతా అతను లాగేసుకుంటాడు. ఒక రోజంతా ఆలోచించినా ఈ విషయం గురించి సరైన నిర్ణయానికి రాలేకపోయాడు.

చివరిలో బ్రాహ్మణా సంఘ నాయకుడు లేచి ఒక మాట చెప్పాడు ప్రభు నేను చెప్పినట్టు చేస్తే మన రాజ్యం పోగొట్టుకొనవసరం లేదు. జనక్షయం, ధన నష్టం ఉండవు. రాజు బలభద్రుడు ఆ సలహా ఏమిటో చెప్పమన్నాడు.
బ్రాహ్మణ సంఘ నాయకుడు వివరంగా చెప్పసాగాడు. ప్రభు మేము బ్రాహ్మలణుము పదివేల మంది ఉన్నాము మాకు పదివేల ఆవులు ఇవ్వండి పదివేలు బాణాలు పదివేల విల్లంబులు ఇవ్వండి. అని చెప్పాడు, మిగిలిన విషయం మేము చేసుకుంటాం అన్నాడు.

దేశ సరిహద్దు దగ్గరికి ఈ పది వేల మంది బ్రాహ్మణులూ, పది వేల ఆవులూ, విల్లంబులూ బాణాలతో చేరుకున్నారు.
శత్రు సైన్యం బ్రాహ్మణుల దగ్గరికి చురుకునేసమయానికి పదివేల మంది బ్రాహ్మణులూ ఆవులపై ఎక్కి కూర్చుని విల్లంబుతో బాణాలు ఎక్కుపెట్టి యుద్ధానికి తయారయ్యారు.
పొరుగు రాజైన కుతూహలుడు ఎదురుగా ఆవులపైన బ్రాహ్మణులు బాణాలు ఎక్కుపెట్టి ఉండటం చూసి నిర్ఘాంత పోయాడు.

కుతూహలుడు తన మంత్రులతో సైనికులతో ఎదురుగా ఉన్న పరిస్థితిని గురించి చర్చించాడు.
అందరూ ఒకే మాట చెప్పారు, అది ఏమిటంటే, ప్రభు పైకి బాణం వేస్తే బ్రహ్మ హత్య జరుగుతుంది, కిందకి బాణం వేస్తే గోహత్య జరుగుతుంది.

యుద్ధం చేయలేమని కుతూహలుడితో చెప్పారు.
అప్పుడు కుతూహలుడు తన సైన్యాన్ని తీసుకుని వెనుదిరిగాడు.

బ్రాహ్మణులందరూ సంతోషంగా రత్నగిరి రాజైన బలభద్రుడి దగ్గరికి చేరుకొని వాళ్ళ విజయాన్ని ప్రకటించారు.
బలభద్రుడు వాళ్లందరినీ సన్మానించి బహుమతులిచ్చాడు.

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

MUNDUCHUPU TELUGU STORIES GRNADMA STORIES

Grandmas Stories presents you telugu stories

ముందుచూపు

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

MUNDUCHUPU TELUGU STORIES GRNADMA STORIES

మాయాపురం అడవిలో ఒక చెరువు ఉంది. ఆ చెరువులో నిండుగా చేపలు ఉండేవి. అదే చెరువులో మూడు చేపలు అన్నదమ్ములలాగా కలిసి మెలిసి ఉండేవి. 

వాటిలో మొదటిదాని పేరు మందమతి. దానికి ఎంతో బద్దకం ఏ పని చేసేది కాదు. 

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

MUNDUCHUPU TELUGU STORIES GRNADMA STORIES

రెండో దాని పేరు సమయస్ఫూర్తి, ఇది పరిస్థితిని బట్టీ వ్యవహరించేది. 

మూడోది దూరదర్శి, ఇది ఎప్పుడూ పరిస్థితిని ముందుగానే అంచనా వేసి దానికి అనుగుణంగా స్పందించి ఎప్పుడూ రెండు అడుగులు ముందుండేది. 

ఇలా ఉండగా ఒక రోజు ఈ మూడు చేపలూ ఇద్దరు జాలరులు మాట్లాడుకోవటం వింటాయి. 

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

MUNDUCHUPU TELUGU STORIES GRNADMA STORIES

వారిద్దరూ ఇప్పటిదాకా ఇక్కడ ఎవరూ చేపలు పట్ట లేదు అందుకే ఈ చెరువు నిండుగా చేపలతో పుష్కలంగా ఉంది. అందుకని వారిద్దరూ తరువాతి రోజు వచ్చి అక్కడ చేపలు పట్టాలని అనుకుంటారు. 

ఇది విన్న దూరదర్శి ఇంకా అక్కడ ఉంటే ప్రమాదం అని తాను, తన కుటుంబం వెంటనే ఇక్కడినుంచి వెళ్ళిపోతాము అని వెంటనే తన కుటుంబంతో సహా నుంచి వెళ్ళిపోతుంది.   

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

MUNDUCHUPU TELUGU STORIES GRNADMA STORIES

తరువాత రోజు పొద్దున్న ఆ జాలరులని చూసి సమయస్ఫూర్తి కూడా తన కుటుంబంతో అక్కడి నుంచి వెళ్ళిపోతుంది. 

ఇంక మందమతి మాత్రం ఆ జాలరుల వలలో తాను చిక్కుకోదులే అనుకుని అక్కడే ఉండిపోయి చివరికి ఆ జాలరుల వలలో చిక్కుకుని చనిపోయింది. 

అందుకే అన్నారు పెద్దలు "ముందుచూపు అన్ని వేళలా శ్రేయస్కరం"

అంటే దూరదర్శి లాగా ఎప్పుడైనా మనం ముందుచూపుతో వ్యవహరించాలి అని అర్థం. 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

Ramudu Bheemudu Telugu Stories Grandma Stories

Grandmas Stories presents you telugu stories

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

Ramudu Bheemudu Telugu Stories Grandma Stories

గోదావరీ తీరాన ఒక ఊరిలో రాముడూ, భీముడూ అని ఇద్దరు వ్యక్తులు ఉండేవారు. ఇద్దరూ మంచి స్నేహితులు. ఊళ్ళో ఎవరియాకైనా ఏదైనా అవసరం వస్తే వాళ్లద్దరూ వాళ్ళకి సహాయ సహకారం అందించి వాళ్ళిచ్చే డబ్బులతో రాముడూ, భీముడూ కాలక్షేపం చేస్తున్నారు.

ఇంతలో రాముడికి పెళ్లి సంబంధం వచ్చింది. రాముడు పెళ్లి కూతురి ఇంటికి భీముడిని కూడా తీసుకు వెళ్లాలని అనుకున్నాడు. బయలుదేరే సమయంలో రాముడికి ఉతికిన చొక్కా కనపడలేదు, భేమ్ముడిని అడిగి భీముడి చొక్కా వేడుకుని రాముడూ, భీముడూ పెళ్లి కూతురింటికి చేరుకున్నారు.

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

Ramudu Bheemudu Telugu Stories Grandma Stories

పెళ్లి కూతురి తాలూకా వాళ్ళు పెళ్లి కొడుకు గురించి వివరాలు అడిగే నేపథ్యంలో భీముడు రాముడి గురించి చాలా గొప్పగా చెప్పటం మొదలుపెట్టాడు. భీముడు మాటల మధ్యలో రాముడితో తన స్నేహం గురించి చెబుతూ రాముడు తాను ఇచ్చిన చొక్కానే వేసుకున్నాడు అని చెప్పాడు.

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

Ramudu Bheemudu Telugu Stories Grandma Stories

దీనితో పెళ్లి కూతురువాళ్ళు వాస్తవాన్ని అర్థం చేసుకుని రాముడినీ, భీముడినీ బయటికి తరిమేశారు.
కొంత కలం గడిచింది, రాముడికి మళ్ళీ ఒక పెళ్లి సంబంధం వచ్చింది. రెండోసారి కూడా బయలుదేరే సమయానికి రాముడికి చొక్కా కనిపించలేదు. భీముని చొక్కా రాముడు వేసుకుని పెళ్లి కూతురు వాళ్లతో చొక్కా నీడని చెప్పొద్దని బతిమిలాడాడు.

ఇద్దరు పెళ్లి కూతురు ఇంటికి చేరుకున్నారు. ఈదారి భీముడు రాముడి గురించి అన్నీ గొప్పగా చెప్పి రాముడు వేకున్నటువంటి చొక్కా గురించి మాత్రం నన్ను అడగవద్దు అని అన్నాడు.

పెళ్ళి కూతురు వైపు వాళ్ళు రాముడినీ, భీముడినీ ఇక్కడ కూడా తరిమేశారు.

అందుకే మన పెద్దలు అంటారు ఎక్కువ చెబితే అతిశయం అంటారు. తగ్గించి చెబితే వాస్తవం తెలియదు.

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

Vatapi Jeernam Grandma Stories Telugu Stories

Grandmas Stories presents you telugu stories

వాతాపి జీర్ణం

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

Vatapi Jeernam Grandma Stories Telugu Stories

పూర్వం ఉత్తర భారత దేశంలో వాతాపి, ఇల్వలుడు సోదరులనే ఇద్దరు రాక్షసులు ఉండేవారు.

ఇద్దరూ శివుణ్ణీ, బ్రాహ్మనీ మెప్పించి ఎన్నో వరాలు పొందారు. ఆ వరాల వలన వచ్చిన శక్తితో అందరినీ బాధపెట్టి సంతషించేవారు. ఎవరైనా వాతాపి సోదరులు ఉన్న వైపు నుంచి వెళుతుంటే వాతాపి మేకగానో గొర్రెగానో మారేవాడు. ఆ వెళుతున్న వ్యక్తిని ఇల్వలుడు గౌరవంగా ఆహ్వానించి ఆ మేకని కానీ గొర్రెని కానీ వండి భోజనం పెడతానని చెప్పేవాడు.

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

Vatapi Jeernam Grandma Stories Telugu Stories

ఇల్వలుడు దాన్ని కోసి వచ్చిన వ్యక్తికి భోజనం పెట్టేవాడు. వచ్చిన వ్యక్తి భోజనం పూర్తి చేసిన తరువాత, ఇల్వలుడు వాతాపి అని గట్టిగా పిలిచేవాడు.

అప్పుడు కడుపులో ఉన్న వాతాపి తిన్న వ్యక్తి యొక్క పొట్ట చీల్చుకుని బయటికి వచ్చేవాడు. వాతాపి, ఇల్వలుడూ కలసి ఆ మనిషిని తినే వాళ్ళు. ఈ విధంగా కొంత కాలం జరిగిపోయింది. ఒక రోజున అగస్త్య మహాముని ఆ బాటలో వెళుతున్నాడు.

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

Vatapi Jeernam Grandma Stories Telugu Stories

ఎప్పటిలాగే ఇల్వలుడు అగస్త్య మహామునికి కూడా ఆ విధంగానే భోజనం పెట్టాడు. పెట్టిన తరువాత అతని సహజ ధోరణిలో "వాతాపి, వాతాపి అని చాలా సార్లు పిలిచాడు. కానీ వాతాపి తిరిగి రాలేదు. అగస్త్యుడు "ఇంకెక్కడి వాతాపి ఎప్పుడో జీర్ణం అయిపోయాడు." "అతను ఇక తిరిగి రాడు." అని అన్నాడు.

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, 

Vatapi Jeernam Grandma Stories Telugu Stories

ఇది విన్న ఇల్వలుడికి కోపం వచ్చింది. అగస్త్యుడు తన తపఃశ్శక్తితో ఇల్వలుడిని భస్మం చేసేశాడు.
ఈ విధంగా ప్రజలకి వారి బెడద తప్పింది.

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀