Telugu Stories The Greatness Of Karna

  కర్ణుడి ఔన్నత్యం

మహాభారతంలో పాండవులు కౌరవులు కురుక్షేత్రంలో యుద్ధం చేయటం మొదలుపెట్టారు. పదిహేడో రోజు యుద్ధంలో కర్ణుడు నేలకొరిగిన తరువాత, పాండవులు, కౌరవులు వాళ్ళ వాళ్ళ శిబిరానికి చేరుకున్నారు. 

అప్పుడు అర్జునుడు కర్ణుడి గురించి చాల తేలికైన పదాలతో కర్ణుణ్ణి నిందిస్తూ, చులకనగా మాట్లాడటం మొదలుపెట్టాడు. 

అన్ని వాస్తవాలు తెలిసిన మహానుభావుడు శ్రీ కృష్ణుడు. అర్జునుడు కర్ణుణ్ణి నిందించటం శ్రీ కృష్ణుడు అది వినలేక అర్జునుడితో ఇలా అన్నాడు. 

"అర్జున!! కర్ణుణ్ణి ఆలా తేలిక చేసి మాట్లాడవద్దు. కర్ణుడు ఎంత గొప్పవాడో నా వేనుకాలేరా నీకు అర్థమౌతుంది." అని శ్రీ కృష్ణుడు అర్జునుడిని యుద్ధ రంగానికి తిరిగి తీసుకువెళ్లాడు. 

శ్రీ కృష్ణుడు బ్రాహ్మణ వేషంలో ఉన్నాడు, కర్ణుడు పడిపోయిన సమీపానికి వచ్చిన తరువాత శ్రీ కృష్ణుడు అర్జునుడిని కర్ణుడి దగ్గర జరగబోయేది అక్కడ నుంచే గమనించమన్నాడు. 

అప్పుడు శ్రీ కృష్ణుడు కర్ణుని వద్దకు చేరుకున్నాడు, కర్ణుడు మరణానికి అతి సమీపంలో ఉన్నాడు. 

శ్రీ కృష్ణుడు కర్ణుణ్ణి "దేహి!, దేహి!" అని అడిగాడు. 
కర్ణుడు తాను మరణానికి సమీపంలో ఉన్నానని తన దగ్గర ఏమి లేదని చెప్పాడు. 

బ్రాహ్మణ వేషంలో ఉన్న శ్రీ కృష్ణుడు "అదేమిటి కర్ణ! నీ దగ్గర ఏమీ లేదంటావేంటి నీ పలువరసలో బంగారు పన్ను ఉంది కదా అది ఇవ్వు చాలు నేను తృప్తి పడతాను" అని అన్నాడు. 

మరణానికి అత్యంత సమీపంలో ఎంతో బాధతో ఉన్న కర్ణుడు బ్రాహ్మణుని మాటకు ఎంతో సంతోషించాడు. అప్పుడు కర్ణుడు ఒక పలుగు రాయిని  తీసుకుని, ఆ రాయితో తన బంగారు పన్నుని పగలగొట్టుకుని బ్రాహ్మణుని చేతిలో పెట్టాడు. 

శ్రీ కృష్ణుడు "శాశ్వత యశస్వీభవ" అని ఆశీర్వదించాడు. 
కర్ణుని ఆత్మ శ్రీ కృష్ణుడిలో ఐక్యమయ్యింది. 

అప్పుడు శ్రీ కృష్ణుడు అర్జునుడి దగ్గరికి వచ్చి అక్కడ జారినదంతా గమనించావా అర్జునా అని అడిగాడు. 
అర్జునుడు సిగ్గుపడ్డాడు. 

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

Vidura Bhakti Grandma Stories Telugu Stories

విదుర భక్తి

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, Vidura Bhakti Grandma Stories Telugu Stories

పాండవులకు, కౌరవులకు సంధి చేయాలని శ్రీకృష్ణుడు హస్తినాపురానికి వచ్చాడు. భీష్ముడూ, ద్రోణుడూ, మొదలైన వారంతా ఎదురువెళ్ళి శ్రీకృష్ణుడికి స్వాగతవచనాలు చెప్పారు. అందరూకలసి రాజసభకు వెళ్లారు.

అక్కడ శ్రీకృష్ణుడు పెద్దలందరికీ పేరు పేరునా నమస్కారం చేశాడు. సహవయస్క్యులని కుశల ప్రశ్నలు అడిగాడు.

భీష్ముడు శ్రీ కృష్ణునితో "మీరు ప్రయాణ బడలికలో ఉన్నారు, అన్ని విషయాలు రేపు మాట్లాడుకుందాం" అని అన్నాడు.

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, Vidura Bhakti Grandma Stories Telugu Stories

దుశ్శాసనుడు శ్రీకృష్ణుడిని దుర్యోధనుడి మందిరానికి తీసుకువెళ్లాడు. అక్కడ దుర్యోధనుడు శ్రీ కృష్ణునితో మనం అందరం కలసి భోజనం చేద్దామన్నాడు.

అందుకు శ్రీకృష్ణుడు దుర్యోధనుడితో "నీవు సంధికి ఒప్పుకున్న తరువాత ఇంట్లో భోజనం చేస్తాను" అని అన్నాడు.

ఆ తరువాత శ్రీకృష్ణుడు విదురునితో వాళ్ళింటికి వెళ్ళాడు. అక్కడ శ్రీకృష్ణుడు విదురునితో నాకు వెంటనే ఏదైనా ఆహారము కావాలని అన్నాడు.

విదురుడు చాలా సంతోషించి శ్రీకృష్ణుడిని ఒక ఆసనం మీద కూర్చోబెట్టాడు. విదురుడు అరటి పళ్ళు తీసుకుని వచ్చి భక్తి పారవశ్యంతో అరటిపండు తొక్కని వలిచి, అరిటి పండుని పారవేసి తొక్కలని శ్రీకృష్ణునికి ఇచ్చాడు.

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, Vidura Bhakti Grandma Stories Telugu Stories

శ్రీకృష్ణుడు వాటినే చాలా ఆప్యాయంగా తిన్నాడు. ఇంతలో కుంతీదేవి అక్కడికి వచ్చి "ఇదేమిటి విదురా! అరటిపండు పడేసి, తొక్కలను శ్రీకృష్ణునికి ఇచ్చావు?" అని అడిగింది.

stories for kids, telugu samethalu, grandma stories, telugu neeti kathalu, telugu proverbs, must read telugu stories, telugu stories, grandmaz stories, Vidura Bhakti Grandma Stories Telugu Stories

వెంటనే శ్రీకృష్ణుడు "అత్తా! విదురుడు నా మీద ఎంతో భక్తితో, ప్రేమతో ఆ అరటి తొక్కలని ఇచ్చాడు, నేను వాటిని సంతోషంగా భుజించాను. ఏమి పెట్టారన్నది కాదు ప్రశ్న అందులో ఎంత ప్రేమ నిండి ఉంది అన్న విషయాన్నీ పరిగణలోకి తీసుకోవాలి.

దేవుడు భక్తుని భక్తిని చూస్తాడే తప్ప ఆడంబరాలకి ఆనందపడడు అన్నది ఈ కథ ద్వారా తెలియచేయటం జరిగింది.

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

Telugu Stories The Kindness Of Sri Rama

Grandmas stories presents you Telugu Stories

శ్రీ రాముని ఔదార్యం 

శ్రీ రాముడు గొప్పవాడనటానికి చాలా నిదర్శనాలు రామాయణంలో వాల్మీకి చూపించాడు.
ఇప్పుడు చెప్పే విషయం కూడా ఆ గొప్పతనాల్లో ఒకటి.
కైకేయి వరాల మేరకు శ్రీ రాముడు పట్టాభిషేకం మానుకుని అరణ్య వాసానికి బయలుదేరుతున్న నేపథ్యంలో ఒక వృద్ధ బ్రాహ్మణుడు శ్రీ రాముడిని చూడటానికి వచ్చాడు. వెంటనే శ్రీ రాముడు తాను చేస్తున్న పని ఆపి వృద్ధ బ్రాహ్మణుడి దగ్గరికి వచ్చాడు.
శ్రీ రాముడు వృద్ధ బ్రాహ్మణుడికి నమస్కరించి తన నుంచి కావలసినటువంటి సహాయం అడగమన్నాడు.
అందుకు వృద్ధ బ్రాహ్మణుడు శ్రీ రాముడితో "రామా నిన్ను చూద్దామని వచ్చాను ఇప్పుడు నిన్ను చుసిన తరువాత నిన్ను ఒకసారి దగ్గరికి తీసుకోవాలనిపిస్తుంది." అని ఆన్నాడు.
వెంటనే శ్రీ రాముడు వృద్ధ బ్రాహ్మణుణ్ణి దగ్గరికి తీసుకున్నాడు. ఆ తరువాత వృద్ధ బ్రాహ్మణుడు యవ్వనవంతుడయ్యాడు.

 

బ్రాహ్మణుణ్ణి ఏమైనా కోరిక కోరుకోమని శ్రీ రాముడు అడిగాడు. అందుకు బ్రాహ్మణుడు ఏమి వద్దన్నాడు.
తరువాత శ్రీ రాముడు ఇక్కడ ఉన్న ఈ కర్రని విసిరేస్తున్నాను ఇది ఎక్కడికెళ్ళిపడుతుందో అక్కడి దాక సంపదలన్నీ నీవే అని అన్నాడు.
ఆ కర్ర అన్ని చోట్ల తిరిగి శ్రీ రాముడి వద్దకే తిరిగి చేరింది.
శ్రీ రాముడు ఆ బ్రాహ్మణునికి తరతరాలకు సరిపోయేటంత సంపదిచ్చి పంపించాడు.
ఈ విషయంలో మనం తెలుసోకవలసిన నీతి ఏమిటంటే మహారాజుగా జరగవలసిన పట్టాభిషేకం శ్రీ రాముడికి ఆగిపోయి సకల కష్టాలతో కూడుకున్నటువంటి అరణ్యవ్యాసానికి వెళుతున్న నేపథ్యంలో బ్రాహ్మణుడు వచ్చి అడిగిన దానికి ఏమాత్రం విసుగు కోపం లేకుండా రాముడు అతన్ని ఎంతో గౌరవించి పంపించాడు.
అప్పటినుండి ఇప్పటికి కూడా రామరాజ్యం అనే పేరు మారు మోగుతుంది.

శ్రీ రామ జయ రామ జయ జయ రామ.

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀

Generosity of Sri Ramanujacharya: Sri Ranganatha Temple Telugu Moral Stories

Grandma stories presents you telugu stories

పశ్చాత్తాపాన్ని మించిన ప్రాయిశ్చిత్తములేదు

అవి శ్రీ రామానుజాచార్యులవారు శ్రీ రంగ క్షేత్ర నిర్వహణ బాధ్యత స్వీకరించిన రోజులు. అప్పటికే అక్కడి అర్చకులలో అవినీతి బాగా పెరిగిపోయి ఉంది.

శ్రీ రామానుజాచార్యులవారు ఎవరి అవినీతిని సహించేవారు కారు. దాంతో కోపం వచ్చిన అర్చకులు శ్రీ రామానుజాచార్యులని విషం పెట్టి చంపాలనుకుంటారు.
కానీ వాళ్లు స్వయంగా ఆ పని చేస్తే అనుమానం వస్తుందని ఒక స్త్రీ దగ్గరికి వెళ్లి ఆమెని శ్రీ రామానుజాచార్యులవారికి విషం కలిపిన భోజనం పెట్టమని అడుగుతారు.
ఆమె ముందు దానికి అంగీకరించదు, కానీ అవినీతి అర్చకులు ఆమెను బెదిరించి ఒప్పిస్తారు.

సరే అనుకున్నట్టే ఆ స్త్రీ భక్తురాలినంటూ శ్రీ రామానుజాచార్యుల దర్శనార్థం వచ్చిందని చెప్పి శ్రీ రామానుజాచార్యుల వద్దకు వెళ్లి, "భోజనం పెడతాను స్వామి! మీరు ఈ భక్తురాలికి ఆ సేవా భాగ్యం కలిగించండి" అని అడుగుతుంది.

ఆమె ఆంత భక్తితో అడిగేసరికి శ్రీ రామానుజాచార్యులవారు సరే అన్నారు.

ఆ స్త్రీ ఒక మాతృమూర్తి! అసలే సంశయిస్తున్న ఆమెకి ఆ విషం కలిపిన భోజనం వడ్డించేటప్పుడు శ్రీ రామానుజాచార్యులలో తన బిడ్డలు కనిపించారు.

ఇంక ఆమె తట్టుకోలేకపోయింది, వెంటనే శ్రీరామానుజాచార్యులవారి పాదాలపై పడి వెక్కి వెక్కి ఏడుస్తూ, "అయ్యా! తప్పైపోయింది మీరు ఈ భోజనం తినవద్దు. ఇందులో విషం కలపబడింది. తనకు ఇష్టం లేకపోయినా అవినీతి అర్చకులు తనను బెదిరించి తనతో ఈ పని చేయించారు. నా తప్పుని క్షమించండి" అని శ్రీరామానుజాచార్యులవారిని వేడుకుంది.

దయార్థహృదయులైన శ్రీ రామానుజాచార్యులవారు వెంటనే ఆమెని పైకి లేపి అమ్మా! ఇందులో నీ తప్పు ఏమి లేదని ఆమెని ఓదార్చి, ఆమె చేత ఈ పని చేయించాలని చూసిన ఆ అవినీతి అర్చకులని పిలిపించి "అయ్యో!! మీరు నా మీద ద్వేషంతో ఈ తల్లి చేత ఎంత పాపం చేయించబోయారు నాయనా !! ముందు ఆ తల్లి పాదాలపై పడి క్షమాపణ వేసుకోండి." అని అన్నారు.

అప్పుడు బుద్ధి వచ్చిన ఆ అవినీతి అర్చకులు ఆ తల్లిని తమ తప్పుకి క్షమించమని వేడుకుని ఇంకెప్పుడూ ఇటువంటి పని చేయము ఇంక నుంచి నీతిగా ఉంటాము అని శ్రీ రామానుజాచార్యులవారికి మాట ఇస్తారు. 

ఆ అర్చకుల పాశాత్తపాన్ని చూసిన శ్రీరామానుజాచార్యులవారు వాళ్ళని క్షమించి వదిలేశారు.

అందుకే అన్నారు పెద్దలు, "పశ్చాత్తాపాన్ని మించిన ప్రాయిశ్చిత్తములేదు" అని.

అంటే ఎవరైనా తమ తప్పు తెలుసుకుని దానిని సరిదిద్దుకునే ప్రయత్నం చేస్తే ఆ సందర్భంలో ఈ సామెతని ఉపయోగిస్తారు.

అందుకే అన్నారు పెద్దలు," ఎవరు తీసిన గోతిలో వారే పడతారు" అని.

అంటే ఎవరైనా ఎవరికైనా అపకారం తలపెట్టాలనుకుంటే అది వారికే జరిగినప్పుడు ఈ సామెతను ఉపయోగిస్తారు.

ఈ సామెత కథ మీ అందరూ చదివి సందర్భానుసారం ఉపయోగించండి అప్పుడే తెలుగు భాష వర్ధిల్లుతుంది.

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀