Telugu stories From grandmaz Stories

Grandmas Stories presents you telugu stories

అపాయంలో ఉపాయం

అనగనగా ఒక కాకులు దూరని కారడవి చీమలు దూరని చిట్టడవి ఉండేది. ఆ అడవిలో అనేక జంతువులు కలిసి మెలిసి ఉండేవి. ఆ అడవికి రాజైన సింహం చెడ్డది.

దానికి నచ్చినట్టు అడవిలో ఉన్న జంతువుల్ని చంపి తిన్నంత తిని మిగిలింది వదిలేసేది.

ఇలా కొన్ని రోజుల జరిగిన తరువాత ఆ అడవిలో జంతువులు తగ్గిపోవటం మొదలైంది.
దాంతో మిగిలిన జంతువుల్లో భయం మొదలైంది. అవి కూడా ఆ సింహపు అన్యాయమైన వేటకి బలుతాయేమోనని భయపడసాగాయి.

అవన్నీ కలిసి ఒక సమావేశం ఏర్పాటు చేసుకున్నాయి. ఆ సమావేశంలో జంతువులన్నీ ఒక నిర్ణయం తీసుకున్నాయి "అందరం ఒకేసారి చనిపోయేకంటే రోజుకి ఒక్కొక్కరిగా సింహానికి ఆహారంగా వెళ్ళటానికి" నిర్ణయించుకున్నాయి.
ఆ మాటే సింహం దగ్గరికి వెళ్లి చెప్పాయి. " సరే మీ ఇష్టం" అని సింహం చెప్పింది.

అప్పటినుంచి రోజుకి ఒక జంతువు సింహానికి ఆహారంగా వెళ్తున్నాయి. అలా కొన్ని రోజులు గడిచాయి అప్పుడు ఒక కుందేలు వంతు వచ్చింది.

దానితో కుందేలు విచారంగా సింహం గుహ దగ్గరికి వెళ్తూ ఉంది. ఆ దారిలో కుందేలుకి ఒక పాడుపడిన బావి కనిపించింది.
అది ఏమిటా అని కుందేలు తొంగి చూసింది. ఆ నీళ్లలో దాని ప్రతిబింబం కనిపించింది.
అప్పుడు దానికి చటుక్కున ఒక ఆలోచన వచ్చింది.

సరే అని సింహం దగ్గరికి వెళ్ళింది.

అప్పుడు కుందేలు సింహంతో "రాజా దారిలో వస్తుండగా నాకు నీలాగే ఇంకో సింహం కనిపించింది. అది నన్ను తినేయబోతే, నీ ఆహారం అని తప్పించుకు వచ్చాను" అని చెప్పగానే సింహానికి చాలా కోపం వచ్చింది.

వెంటనే సింహం "అదెక్కడ ఉంది నాకు చూపించు దాన్ని ఇప్పుడే చంపేస్తాను." అని లోపంతో అరిచింది.

పథకం పారటంతో కుందేలు సింహాన్ని ఆ పాడుబడిన బావి దగ్గరికి తీసుకెళ్లింది.
అప్పుడు కుందేలు "ఆ సింహం ఈ బావిలోనే ఉంది. బాబోయ్!! అమ్మోయ్!! నేను దాని దగ్గరికి వెళ్ళను ," అని తెలివిగా దూరంగా ఉండిపోయింది.

అసలే కోపం మీద ఉన్న సింహం ఇంక ఏమి ఆలోచించకుండా ఆ బావి దగ్గరికి వెళ్లి అందులోకి తొంగి చూసింది. బావిలో దాని ప్రతిబింబం దానికే కనిపించింది.
ఇదే కుందేలు చెప్పిన మరొక సింహం అనుకుని దానిని భయపెడదామని గట్టిగా అరిచింది.

దాని అరుపు దానికే వినిపించి ఆ బావిలోని రెండవ సింహం దీని మీదకి అరిచింది అని అనుకుంది.

వెంటనే ఇంక ఆలస్యం చేయకుండా, ఏమి ఆలోచించకుండా సింహం లోపలున్న మరొక సింహాన్ని చంపటానికి బావిలోకి దూకింది. బావిలోకి దూకిన సింహం చచ్చింది.

ఇంకేముంది తన పథకం చక్కగా పారిందని, సింహం పీడా విరగదయ్యిందని కుందేలు సంతోషంగా వెళ్లి మిగిలిన జంతువులకి చెప్పగానే అవి కూడా ఆనందించి "అపాయంలో ఉపాయం"ఉపయోగించి కుందేలు ఆ అడవిలోని జంతువులనన్నిటినీ కాపాడిందని ఎంతో అభినందించాయి.
అందుకే అన్నారు పెద్దలు " అపాయంలో ఉపాయం" అని.

అంటే ఎవరైనా ఏదైనా అపాయంలో ఉన్నప్పుడు ఏదైనా చక్కటి ఉపాయంతో ఆ అపాయం నుంచి తప్పించుకున్నప్పుడు ఈ సామెతని ఉపయోగిస్తారు.

Grandmas Stories will bring you more Telugu stories, language resources, and many more....😀😀😀✨🎉

Keep reading Telugu stories...🎉🎉☕☕✨😀